Le vote pour le budget participatif de la ville de Bastia ouvert jusqu'au 31 janvier
(A ridazzioni d'Alta Frequenza) - 150000€ : eccu a somma ch’idda cunsacra a mirria di Bastia à u bughjettu participativu, didicatu à l’idei è i dumandi di l’abitanti. In u 2018, issa somma hà pirmissu d’arranghjà scalinati o piazzetti in u centru storicu lla cità, ma dinò di rimpiazzà cabini à libri à nantu à a Piazza San’Niculau. Pà u 2019, sedici prughjetti pudarani essa scelti è vutati à nantu à u situ Bastia.Corsica. Sinu à u 31 di ghjinnaghju, u votu sarà apartu à tutti, ancu à quiddi chì ùn stani in Bastia. I prughjetti sò varii quant’è i so costi : da qualchì millai, sinu à 75000€ pà u più caru. È si tratta di tuttu : accunciatura lla cità, cultura, aiutu à ghjovani imprisarii... Dopu à u votu, un cumitatu sarà incaricatu di fà una scelta, tinindu contu di i risultati è circhendu à tempu, à ghjuvà si pà u meddu di i 150000€ attribuiti.
Stemu à senta à Didier Grassi, l’aghjuntu à u merri incaricatu lla dimucrazia participativa
