Le VACCI BUS circule à Ajaccio !
Hè in circulazioni u VACCI BUS, in Aiacciu. Quissu si stalla in i quartiera lla cità, da avvicinà si à i parsoni di più di 70 anni, ch’idda li sichi facilitata a vaccinazioni.
L’uparazioni viaghja da marti, u 27 d’aprili à sabbatu, u primu di maghju. Tuttu hè fattu gratisi, è ùn ci hè bisognu d’appuntamentu.
A vaccinazioni sarà fatta, via u VACCI BUS è pà issi publichi, cù u vaccinu Pfizer.
Eccu ni i passaghja in i quartiera :
- Marti u 27 è marcuri u 28 d’aprili, piazza Miot, da 9 ori à meziornu.
- Ghjovi u 29 d’aprili, piazza Jean Casili, da 9 ori à meziornu.
- Vennari u 30 d’aprili è sabbatu u primu di maghju : centru cità / Marcatu d’Aiacciu, da 9 ori à meziornu.
Purteti a voscia carta Vitale, è s’iddu vi ci voli calchì rinsignamentu, chjameti u 07 64 13 62 99
