Le tome 2 et l'intégrale de la BD Aleria 1975 en librairie dès vendredi
(A redazzioni d'Alta Frequenza) - U sicondu è ultimu episodiu di a seria di figuretti Aleria 1975 hè ghjuntu è sarà in libraria à partasi di vennari. Intitulatu "Dernière Sommation", ss'episodiu volta annant'à l'evenimenti di u 22 d'aostu di u 1975 è soprattuttu l'assaltu di i forzi di l'ordini annant'à a cantina Depeille, occupata da militanti naziunalisti chì dinunziavani una scruccunaria ind'a fabricazioni di u vinu in Piaghja urientali. Cunniscimi u bilanciu : morti è feriti. Pà ssa surtita, assai aspittata, u scenaristu Frédéric Bertocchini è u disegnatori Michel Espinosa prisintarani a so opara ind'u quadru di l'evenimentu "Rencontres BD" in u Radisson Blu di Purtichju vennari è sabbatu, cù parechji altri attori di u 9u arti è sturiani. Fora di ssa siconda opara, un'edizioni integrali di a seria, cù un quaternu bonus making of di 16 paghjini, sarà dinò dispunibuli ssu vennari. In edizioni limitata inveci.
Sur le même sujet
