Le stade d'Afà fermé jusqu'au 11 octobre pour non-respect du protocole sanitaire lors d'un mach de football
Un arrestu prifitturali hà chjusu u stadiu d’Afà sinu à l’undici d’uttrovi, parvia d’un prutucollu sanitariu ch’ùn saria statu rispittatu. Ma l’affari faci pulemica.
Dici Pascal Miniconi, u merri lla cumuna, chì u 27 di sittembri, mentri unu scontru di R2, « i ciandarmi ani fattu a spizzioni lla tribuna dopu à u posu, fendu rimarcà ch’una maiurità di i centu parsoni prisenti ùn purtaia a mascara ».
Tandu, hè stata ramintata à u micrò a regula sanitaria. À senta ni a mirria, « guasgi tutti i spittatori ani missu a mascara, è si sò pusati tinindu si à un metru di scartu llu vicinu. Ùn sò stati chè dui i parsoni à essa virbalizati par ùn avè a mascara ».
I ciandarmi ani trovu dopu una pruvista di dui cartoni di biera, ch’iddi supponini essa à usu di vendita è cunsumazioni.
Fatta fini, issa chjuditura sinu à l’undici d’uttrovi n’hà uffesu uni beddi pochi, in u mondu di u ballonu amatori.
Sur le même sujet
