Le secrétaire d'Etat Jean-Baptiste Lemoyne et les acteurs corses du tourisme réunis pour faire face à la crise du Coronavirus
U turismu pudaria essa una di l’attività ecunomichi i più tocchi da a crisa sanitaria chì curri. Una visiocunfarenza si hè fatta par parlà ni, cù Jean-Baptiste Lemoyne, u sicritariu di statu in carica llu turismu, Gilles Simeoni u prisidenti di l’esecutivu, è l’attori ecunomichi d’issu sittori.
Sinu à ghjunghju, è parvia di i misuri presi da luttà contru à u siscu, attività ùn ci ni sarà. Tandu, ci voli à circà i mezi da aiutà i prufiziunali, è ancu da circà à salvà, s’idda si pò, a statina à vena.
49 milioni d’impresti guaranziti sò aghjà didicati à 380 impresi corsi. 12 altri miliona sò privisti in i ghjorna à vena pà un centu d’impresi di più. Da marzu à ghjunghju, i carichi duvariani essa annulati.
Chì ni sarà di a scelta di i turisti pà issa statina ? Quissa ùn si hà da pudè sapè innanzi à fin’di maghju. Ma hè statu beddu chjaru Jean-Baptiste Lemoyne : ùn sarà chè u marcatu francesu à arricà i turisti in Corsica. In quantu à i dispiazzamenta à parta si d’altri paesa, ch’iddi sichini luntani o vicini, mancu à pinsà ch’iddu ci ni sichi.
Stemu à senta à Jean-Baptiste Lemoyne.
