Le procès du meurtre de Savannah Torrenti s'est ouvert à Aiacciu
(A ridazzioni d'Alta Frequenza) - Vennari in Aiacciu hè cuminciatu u prucessu d’Axel Bouchard, missu in causa par avè tumbu à Savannah Torrenti, u 1u di maghju llu 2016.
A corti hà circatu à sapè, nanzi tuttu, chì erani à veru i rilazioni trà Axel Bouchard è Savannah Torrenti, masimu à u mumentu ch’idd’hè successu l’affari.
L’omu hà ricunnisciutu ch’idd’avia minatu è strangulatu a vittima, ma chì intinzioni di tumbà la ùn avia.
Ramintemu chì l’associu Femmes Solidaires di Corsica hà chjamatu à un’accolta luni u 24 di ghjunghju, à 1 ora, davanti à u tribunali, da purtà un sustegnu à a famidda di a difunta ghjuvanetta.
L’associu hà dighjà dittu « ch’iddu faci cunfidenza à a ghjustizia, da ch’idda doca una sintenza in cunfurmità cù i fatti ».
Sur le même sujet
