Le président des Restos du Coeur au rendez-vous du nouveau départ de l'association à Bastia
In Bastia, dipoi a fini di l’annu scursu, i « Restos du Coeur » s’ani lacatu i so vechji lucala di Montesoru par goda si quiddi novi di Lupinu.
I lucala è i travadda sò stati presi in carica da a municipalità, è permettini à i binivulanti di travaddà in cundizioni ottimi, è di riceva i binifiziarii in un beddu ambienti di spartera.
Ghjovi, Patrice Douret, u prisidenti di i « Restos », hè ghjuntu à inaugurà ufficialmenti issi lucala, à pochi ghjorna di u cuncertu di « Les Enfoirés », privistu pà u trè di marzu à nantu à TF1.
I « Restos du Coeur » sò sullicitati sempri di più, a Corsica issendu, ancu à issu liveddu, un tarritoriu cù i so spicificità.
Steti à senta à Patrice Douret, u prisidenti di i « Restos du Coeur ».
Trè mesa fà, mentri chì a mirria di Bastia facia l’inaugurazioni d’issi lucala, si era scontru à Jean-Bernard Bannié.
Binivulanti chì sò sedici anni, hè unu di i punteddi maestri di u dipositu chì ghjova à tuttu u Cismonti.
Trè mesa dopu, dici u meddu ch’iddu ci hè à travaddà in issi lucala nova, mentri ch’iddi crescini sempri di più i rimissi, postu chì, par disgrazia, a dumanda ci hè !
Steti à senta à Jean-Bernard Bannié.
Sur le même sujet
