Le port de Bastia bloqué par les marins du syndicat SAMMM jusqu'à nouvel ordre faute d'un engagement de la Méridionale sur l'absence de fret entre l'Île Rousse et Toulon
Hà presu forza, marti sera, u cunflittu suciali natu da l’apartura d’un traghjettu, in fora di u sirviziu publicu marittimu, trà Lisula è Tulò.
U Sindicatu Autunumu di i Marinari lla Marina Marcantili, u SAMMM, hà dicisu di bluccà u portu di Bastia, à l’escia d’una riunioni trà a dirizzioni di a Méridionale, quidda di a Corsica Linea, u SAMMM è u STC di a Méridionale.
Mentri issa riunioni, dumandata chì sò parichji ghjorna da u SAMMM, hè stata posta a quistioni di u trasportu di i marcansii à nantu à issa nova ligna di a Méridionale.
À senta ni u SAMMM, chì si filicitighja di u pusiziunamentu di u STC, a cumpagnia tinuta da CMA-CGM ùn avaria fattu ciò ch’iddu aspittaia u sindicatu, vali à dì un ingagiamentu scrittu da signalà ch’idd’ùn si faria trasportu di marcansii via issa ligna.
Pà u SAMMM, a prisenza di marcansii à nantu à issu traghjettu daria argumenti à a Corsica Ferries pà i so attacchi contru à diligazioni di u sirviziu publicu marittimu in Corsica.
U sindicatu, chì hà rinfurzatu bè a sonazzioni, hè prontu à fà ni ancu di più.
Sur le même sujet
