Le point sur les intempéries à Bastia
(A redazzioni d'Alta Frequenza) - I marosuli ani fattu disguasti è postu parechji prublemi in Bastia, mentri chì a vigilenza aranciu pà u gattivu tempu hè sempri quì fin'è dumani matina à 6 ori (ghjovi). Prima, pà ciò chì tocca à a circulazioni, quissa quì hè assai difficiuli, postu chì u tunnellu è u pezzu di strada di u fronti di mari ghjunghjendu ci hè sarratu, com'è a parti pà u ghjiratoghju Noguès à u tunnellu ind'u sensu nordu meziornu, mentri chì u pezzu apartu di a strada di u fronti di mari hè quantunqua scunsighjata. Impussibuli dinò di passà pà a calata di i Martyrs, à pedi o in vittura postu chì i marosuli passani da sopra à a calata, ciò chì fattu parechji disguasti nant'à i tarrazzi di risturanti. U molu di u vechju portu, dighjà fragilizatu da timpurali accaduti dighjà hè stata tocca dinò da i marosuli, mentri chì a capitanaria di u vechju portu dumanda à i pruprietarii di i battelli cansati inde quissu quì d'andà ci u più prestu pussibuli pà verificà a sulidità di i cordi, calchì battelli essendu stati tocchi.
