Le Parti Communiste sera présent en nombre aux départementales en Haute-Corse
(A redazzioni d'Alta Frequenza) - Deci ticchetti. Dui parolli chì ùn ani nulla à chì veda cù una luttaria, ma piuttostu cù u numaru di duetti ch’ellu prisintarà u Partitu Cumunistu à l’alizzioni dipartimintali di Corsica Suprana, vali à dì i cantoni bastiacci, è quilli di Biguglia-Nebbiu, Calvi, Corti, Ghisunaccia, di Capicorsu è di Casinca. S’è i duetti sarani cunnisciuti appena più tardi, postu chì u solu chì hè statu cumunicatu hè quillu furmatu da Francis Riolacci è Emmanuelle Mariini ind’u primu cantonu bastiacciu, l’inghjocu di ssi dipartimintali sarà di cuntinuà à purtà a parolla contr’à l’austerità di u Fronti di Manca è i so pusizioni righjunali. Tuttu què in un’alizzioni chì s’annunzia ricca di mischji eterogeni.
Steti à senta à Michel Stefani pà u Partitu Cumunistu.
