Le nouveau conseil municipal d'Ajaccio officiellement installé
(A redazzioni d'Alta Frequenza) - Hè dunqua à u son di l'Aiaccina chì s'hè compia a stallazioni oghji (sabbatu) di Laurent Marcangeli, 54u merri d'Aiacciu chì faci vultà in Casa Cumuna un currenti puliticu chì hè sempri statu maghjuritariu è què dopu à dui mandaturi di manca. Laurent Marcangeli hà prisintatu a lista chì l'accumpagnarà pà ssa mandatura d'alternenza ;14 aghjunti cumpunarani quissa quì, ciò chì hè u massimu autorizatu da a legi. Si ritrova senza surpresa Stéphane Sbraggia à u postu di Primu aghjuntu, sarà incaricatu di u cartulari difficiuli di i finanzi municipali. Nathalie Ruggeri sarà Siconda aghjunta, duvaria essa in carica di l'ambienti. Stéphane Vannucci hè u Terzu aghjuntu, è si duvaria occupà di u cartulari di a ghjuventù è di i sports. Ind'u so discorsu di stallazioni, Laurent Marcangeli hà rammintatu tutta a difficultà chì aspetta a so squadra. Forti di una squadra chì l'accumpagna, dici ch'ellu hè prontu à rializà ssa sfida cuntendu daveru annant'à i capacità d'investimentu di tutti. Hà lampatu dinò una chjama à tuttu u mondu da fà chì a cità d'Aiacciu pighjessa a strada di u rinnovu.
Steti à senta un strattu significativu di u discorsu di u merri d'Aiacciu.
Sur le même sujet
