Le mouvement clandestin Ghjuventù clandestina corsa annonce officiellement sa création
Via un cumunicatu mandatu à Corse-Matin, u gruppu clandistinu GCC, chì u so nomu si ritrova scrittu chì sò parichji mesa, hà annunciatu ufficialmenti a so criazioni.
« Viaghjemu à nantu à i passi di u FLNC, ma oghji pari ch’iddu si stacchi da a lutta, tandu tocca à no’, a ghjuvantù corsa, à ripiddà la, da fà fronti à u statu francesu è à u so disprezzu ».
« Semu u bracciu armatu d’un muvimentu rivuluziunariu, è a situazioni attuali di u nosciu populu ci ublica à uniscia ci è à risponda ci », dici a GCC.
U muvimentu clandistinu dumanda a libarazioni di Carulu Pieri, a virità à nantu à l’assassiniu d’Yvan Colonna, l’avvicinera lli prighjuneri pulitichi è u statutu di risidenti.
U muvimentu dumanda ch’iddu sichi abandunatu u prughjettu « Hauts de Borivoli » in Sota (prughjettu immubiliariu), cuntistatu dighjà da Cori in Fronti.
« S’iddu vinissi à luci issu prughjettu, ci tuccaria à accupà ci ni, com’è no’ ci semu accupati di a prupriità llu spiculatori Yvan Mirand ».
A GCC infini rivindichighja 17 azzioni dipoi austu llu 2022 è averti ancu « i vindidori di droga chì avvilanighjani a noscia tarra è a so ghjuvantù di fà la finita subitu cù i so attività, chì sidinò pudaria essa viulenti a risposta di u nosciu muvimentu ».
Sur le même sujet
