Le ministre de la Ville en visite à Bastia
(A redazzioni d'Alta Frequenza) - U ministru di a Cità, François Lamy, era in visita in Bastia issu vennari. Quissu quì hà apprufittatu di u bellu tempu pà passà pà issi carrughji bastiacci à pedi. Prima quilli di u meziornu di a cità, particularmenti Lupinu è Paese Novu, duva ellu hà postu a prima petra di u futuru centru culturali di i quartieri di u meziornu, eppo hà scuntratu parechji associ, cù à mezu à què discussioni cù l'abitanti di issi quartieri. Eppo hà compiu a so visita andendu ind'u centru anzianu, frà altru ind'u quartieru di u Puntettu duva ellu hà scuntratu dinò abitanti dopu chì u so direttori di cabinetu appia ricivutu u cumitatu di quartieru a matina nanzi di stà à senta i so dumandi. Issa visita hè stata l'uccasioni frà altru di vultà nant'à i reguli è i legi chì toccani l'associ è u so funziunamentu, chì sarani più faciuli à l'avvena, ma dinò nant'à u fattu chì Bastia ùn avia micca ricivutu a dutazioni di sviluppu urbanu, a famosa DDU chì avia fattu nascia una riazzioni putenti ind'è a municipalità in postu.
On écoute François Lamy, ministre de la Ville.
Sur le même sujet
