Le groupe CODIM des Géant Casino et supermarchés Casino de Corse toujours sans repreneur après la revente de la totalité de l'enseigne sur le continent
Ch’avarani po’ da duvintà l’ipermarcati Géant è i supermarcati Casino di Corsica ?
Chì hè à veru pocu chjaru, l’avvena di u gruppu CODIM !
Di fatti, u gruppu Casino, chì n’hè guasgi à a bancarutta, hà finalizatu macuri a vendita di 288 « Géant », « Casino Hyper Frais » è « Casino supermarché » à i gruppi Les Mousquetaires (vali à dì Intermarché), Auchan è Carrefour, chì s’ani compru quattru piattaformi lugistichi.
Da quì à u primu di sittembri, i marchi di u gruppu Casino ùn asistarani più.
U fattu si stà chì in a lista d’issi 288 magazena, di i corsi ùn ci n’hè mancu unu : quiddi di u gruppu CODIM ùn sò stati ripresi nè da Les Mousquetaires, nè da Auchan.
In francia, quiddi ch’ùn sò stati ripresi erani indibitati monda, o nicissitaiani travadda grevi troppu.
In Corsica, a situazioni hè altra, è si sapia dighjà ch’idd’ùn sariani vinduti mezi à l’altri issi magazena di u gruppu CODIM, chì t’ani uni beddi pochi di parti di u marcatu lla gran’ distribuzioni isulana.
Ma par avali, ùn si sà qual’vularia o pudaria ripiddà à CODIM…
I impiicati, iddi, sò impinsiriti à veru !
