« Le gai mariage » à Ajaccio demain soir
(A redazzioni d'Alta Frequenza) - Ind'u quadru di u ciculu Boulevard du Rire, a Merria d'Aiacciu prisenta '"Le gai mariage", dumani à sera (marti) à l'Empire à 9 ori. Issa pezza numinata à i Molières ind'a categuria pezza comica, hè l'opara di Gérard Bitton è di Michel Munz. Ghjucata da attori di talentu, com'è Gérard Loussine, Jean-Marie Lecoq, Lysiane Meis, quissa quì hè assai aspittata da u publicu aiaccinu, ind'una sala piena. Scritta ind'u spiritu di u teatru di boulevard, l'imbroglii è i situazioni i più comichi accadini pà u piacè u più tamantu di u publicu. A storia hè in fatti di i più burleschi : " Henri de Sacy, Don Juan accanitu, impara ch'ellu hà da tuccà di l'eredità di a so zia un millioni d'auri, patti è cundizioni ch'ellu si maritessi duranti l'annata... Vistu chì Henri ricusa di lascià corra u so amori pà tutti i donni, u so amicu Norbert, avvucatu, li pruponi di marità si cù un omu. Di fattu, rispittaria l'ultimi desiderii di a so zia senza perda a so libertà". Un matrimoniu chì hà da divintà un sunniacciu. Un appuntamentu à ùn mancà micca in Aiacciu, in partenariatu cù Radiu Alta Frequenza.
Sur le même sujet
