Le FLNC revendique la tentative d'attentat de Capo di Feno
« A noscia ghjuvantù, quand’idda voli pruducia in tarra soia, ùn ni trova tarrena agriculi. Un spiculatori francesu, inveci, i trova faciuli. È sè no’ ùn ci fussimi stati no’, ùn si passaia nudda. Rivindichemu l’azzioni contru à i custruzzioni lla SCI « Capo di Feno » è dumandemu ch’idda si ni vochi da Corsica a famidda Mirand. SPICULATORI FORA », dici in chjudenda u cumunicatu llu FLNC mandatu marcuri à Corse-Matin.
U casu lla SCI Capo di Feno hè pà u FLNC un simbulu beddu chjaru lla spiculazioni.
Dici u muvimentu ch’in u periudu attuali, « u prublema maiori pà i ghjovani agricultori corsi hè quiddu llu fundariu, è parvia d’un affari solu :
a spiculazioni .
Spiculazioni lli prupriitarii chì vatani a custruttibilità pà « valurizà » una tarra chì par iddi ùn hè chè marcansia.
Spiculazioni d’una parti llu mondu agriculu chì si pidda i tarri, è chì ùn hà par ambizioni chè di fà crescia i so prupriità è u so prufittu.
Spiculazioni di i frusteri chì pensani pudè si la sfrancà da a legi pà custruì ind’iddi volini, prufittendu lli dibulezzi lli legi francesi par piddà si a noscia tarra, da goda ci pighjoni è rivenditi.
Quand’idda hè fatta da Corsica, a spiculazioni hè a veru un prublema sucitali, è mai ùn scarcaremu u nosciu populu di i so rispunsabilità quand’iddu entri in issi praticacci. Ma ùn pudemu accittà chì i stranieri si ghjovini di a noscia tarra quant’è ch’idda fussi u tarrenu d’un ghjocu spiculativu », dici infini u Fronti.