Le Direct

Le député Michel Castellani évoque la loi de finances 2020 et le dossier de l'absence de matches le 5 mai

(A ridazzioni d'Alta Frequenza) -  Vennari, Michel Castellani, u diputatu lla prima circuscrizzioni llu Cismonti, hà parlatu di dui sughjetta à l’assemblea naziunali francesa.

In prima, quiddu lla legi di i finanzi pà u 2020 : u diputatu corsu hà trattatu di a tassa eculogica à nantu à i biglietti d’avviò, di a crescita di a fiscalità di i vini, è infini d’una presa di 9 miliona à nantu à u PEI, da finanzà l’alloghju in parigi.

Ma supr’à tuttu, hà parlatu di un sughjettu più chè simbolicu : quiddu d’una pruposta di legi par ùn ghjucà u 5 di maghju à ballò, in mimoria di a stragi di Furiani.

Issa pruposta, ch’iddu porta à nomu llu gruppu « Libertés et Territoires , hè passata issa sittimana davanti à a cumissioni culturali di l’assemblea francesa induva, fatta fini, si hà buscu un cunsensu.

Tocca avali à validà la difinitivamenti cù u votu di marcuri matina, chì si farà, dopu à u dibattitu, in sissioni publica. Intantu, a LFP, ch’ùn li garba tantu issa misura, pudaria circà à cunvincia certi diputati d’ùn vutà la.

Stemu à senta à M Castellani