Le dépouillement commence dans les bureaux de votes
(A redazzioni d'Alta Frequenza) - I scagni di votu ani sarratu in Corsica. À 6 ori, si pò dì chì l'alizzioni municipali hè ghjucata ind'i cumuni isulani cuncirnati da ssu sicondu ghjiru. U spogliu di i voti hà da cumincià da quì à pocu, è i risultati sarani publicati à partasi d'8 ori. Pà Bastia è Aiacciu, i primi risultati d'8 ori ùn duvariani micca essa difinitivi ma duvariani dà una tindenza impurtanti. Bastia è Aiacciu sò i punti sinsibuli di ss'alizzioni. A cità di Bastia t'avarà di tutti i maneri un novu merri da quì à calchì minuta. Ferma oramai à sapè s'è l'eletturatu bastiacciu hà sceltu a rumpitura o a cuntinuità. In Aiacciu, duva u risultatu l'alizzioni hè più indecisu cà mai, a tinsioni hè maiò. Steti puru cunettati annant'à u nostru situ induva pudareti scopra tutti i risultati, l'analisi è i primi riazzioni di i candidati ind'a sirata.
