Le Crédit Agricole et l'ordre des experts comptables de Corse, main dans la main dans un partenariat
Vennari, u Crédit Agricole è l’ordini di i sperti cuntabili lla Corsica ani signatu una cunvinzioni, da assicurà l’accessu à certi risorzi ghjuvativi à a criazioni di spirtizii cuntabili, o à u rinfurzà di i cabinetti attuali, via prudutti finanziarii spicifichi.
In issa dimarchja, ci vincini i dui parti, postu chì i sperti cuntabili sò un ardignu di primura in a rilazioni trà banchi è impresi.
Comu si hà da metta in anda issu partinariatu, pà u Crédit Agricole ?
Steti à senta i spiicazioni di Jean-Pierre Guillou, u dirittori llu Crédit Agricole lla Corsica.
I sperti cuntabili si rallegrani d’iss’iniziativa, chì metti in valori u so travaddu. Eccu un’attività chì viaghja propriu bè in Cosica, postu ch’in pochi anni, u numaru di i sperti cuntabili si hè multiplicatu par trè.
Comu sarà ch’idda cresca cussì issa vucazioni, in Corsica ?
Steti à senta à Jean-Pierre Fabiani, u prisidenti di l’ordini lli sperti cuntabili llu Pumonti.