Le corps d'un octogénaire repêché à Pianottoli Caldarellu
(A redazzioni d'Alta Frequenza) - U cadavaru di un omu di 82 anni hè statu ripiscatu stamani (vennari) nant'à a cumuna di Pianottoli Caldarellu, à u nivellu di l'isuli Bruzzi. A vittima era ricircata dipoi arisera, a moghja di iss'ultima avendu chjamaru u CROSS Corsica, ùn videndu micca u so maritu vultà in casa soia dopu essa andatu à piscà. Subbitu, i ricerchi ani principiatu, in mari com'è nant'à a tarra, frà altru cù u sustegnu di i gendarmi, di dui battelli di a Brigada Nautica di Bunifaziu è di a SNSM, di l'elicotteru Super Puma di A Sulinzara, è di u Dragon 20. Ùn hè cà stamani versu 9 ori è 45, chì un omu nant'à un battellu hà chjamatu i succorsi, ammintendu a prisenza di un cadavaru chì sviava à u nivellu di l'isuli Bruzzi. Quissu quì hè statu ripiscatu da u battellu di a SNSM. A gendarmeria di Bunifaziu hè stata incaricata di l'inchiesta, da ditarminà i causi di a morti di l'omu.
Sur le même sujet
