Le Direct

Le comité de soutien corse à Bruno Le Maire lancé

(A redazzioni d'Alta Frequenza) - Sabbatu, u merri d'A Ghisunaccia Francis Giudici pà a Corsica Suprana è l'ispittori d'accademia Michel Piferini pà a Corsica Suttana ani lanciatu di manera ufficiali u cumitatu di sustegnu à u candidatu di a diritta è di u centru, Bruno Le Maire, pà a Corsica. Accumpagnati da u merri di Saint Laurent du Var, Joseph Ségura, chì faci parti di l'omi di cunfidenza di u candidatu, ani spiegatu i raghjoni di u so sustegnu à Bruno Le Maire. D'appressu à elli, di manera franca è chjara, Bruno Le Maire hè u solu chì pudarà arricà un cambiamentu veru di pettu à a so ghjuventù rilativa. È s'è in u so cuntrattu prisidinziali di milli paghjini, a Corsica t'hà solu calchì linea pà contu soiu, u candidatu à a primaria, chì sarà luni chì veni in Aiacciu, hà sviluppatu da tandu i so idei nant'à l'isula ch'ellu voli scriva nentru a custituzioni.

Steti à senta à Francis Giudici.