Le Collectif Médical Corse Santé réclame une IRM supplémentaire à Bastia
(A redazzioni d'Alta Frequenza) - U Cullettivu Medicali Corsica Saluta hà dicisu di fà cunnoscia u so parè nant'à una siconda IRM dumandata in Bastia. Hè stata bè pricisata da u duttori Edmond Simeoni duranti à una cunfarenza di stampa ch'ellu ùn si trattava nè di una dimarchja curpuratista, nè di cuntistà a stallazioni di un'IRM in Purtivechju. U cullettivu hà criticatu a pusizioni di l'ARS, chì hà rimandatu à u mesi di ghjunghju a so dicisioni nant'à a stallazioni di una siconda IRM in Bastia. Siconda IRM chì com'è pà u prughjettu di Purtivechju saria finanziata di modu sanu da un cullettivu di radiologhi, è chì hè prupostu da iss'ultimi dipoi cinqui anni. I prufessiunali di saluta ghjudicheghjani chì una stallazioni simuli parmittaria di fà falà di mità u tempu d'attesa, par avà di trè mesi in Bastia, ciò chì inghjenna à parè soiu un'inugualità suciali impurtanti. Dumandani una risposta publica di l'ARS è sò pronti ad aduniscia si in publicu cù l'agenza.
On écoute le Docteur Edmond Simeoni.
Sur le même sujet
