Le collectif des sept anciens militants nationalistes livre son analyse du premier tour de scrutin
Marcuri, u Cullittivu di 7 anziani militanti naziunalisti hà datu a so analisi llu votu di duminica, è hà datu u so avvisu pà u sicondu ghjiru.
« Filicitemu a lista Cori in Fronti pà a so alizzioni, è rigritemu chì Corsica Libara sichi fiascata à issu primu ghjiru. Ma a so unioni cù u PNC, qualificatu pà u sicondu ghjiru cù una bedda alizzioni, permetti di ripiddà la.
L’unioni di tutti, o ancu l’unioni di Gilles Simeoni cù Jean-Christophe Angelini, ùn si hè pussuta fà pà u sicondu ghjiru.
Gilles Simeoni, u gran’vincidori d’issu primu ghjiru, t’hà oramai i chjavi llu sicondu è di u terzu, da custituì una maiurità di pruposti, di suluzioni è di cumbattu », dicini l’anziani militanti.
Pà issu sicondu ghjiru, ni chjamani à « vutà naziunalistu è à fà crescia issi risultata, marginalizendu quant’iddu si pò a dritta riprisintata da Laurent Marcangeli ».
L’anziani militanti dicini chì i so quistioni fermani posti, è ripetini ch’idd’ùn dani nè sustegnu incundiziunali, nè cauzioni, è chì nè mancu si dani à a ceca.
Ni chjamani a maiurità naziunalista à vena, da ch’idd’ùn si lachi chjuda è addrumintà in a sola gistioni amministrativa di l’affari lla Cullittività.
Dumandani ch’idda si doca i meza di rilancià i niguziati cù u statu francesu, ripitindu sempri a nicissità d’una vera pulitica di sculunisazioni.
Sur le même sujet
