Le collectif Agissons contre la cherté des carburants en Corse a manifesté à Bastia
Sabbatu, in Bastia, erani un centu à essa si mubilizati contru à u prezzu altu lli carburanti.
Rispundindu à a chjama llu cullittivu « Agissons contre la cherté du carburant », l’aienti ani marchjatu pà issi carrughja bastiacci. Ci si hè vistu, in issa fila di parsoni, uppusizioni, maiurità tarrituriali, è naziunalisti in dissidenza.
Sò stati dumandati misuri, da fà la finita cù a crescita d’issi prezza, chì u Cullittivu i vurria veda arrigulati da u statu.
Sò stati ancu dumandati mezi da parà si un pocu da u monopolu di u gruppu Rubis.
Puri ùn issendu, à ciò ch’iddu conta, pulitizatu, u Cullittivu si dumanda comu hè ch’iddu voca cusì pianu l’esecutivu cù issu cartulari. Via i reti suciali, Frédéric Poletti, u so portaparolla, hà presu parichji pusizioni, d’altrondi, contru à l’esecutivu lla Corsica.
Stemu lu à senta.
