Le collectif A Maffia Nò a Vita Iè a fait étape à Bastia pour un débat public
Era pienu u Palazzu lli Guvirnatori di Bastia, pà a dibattitu publicu di u cullittivu « A Maffia Nò, A Vita Iè ». Par disgrazia, ùn era tantu prisenti a ghjuvantù.
U Cullittivu hà vulsutu purtà un missaghju chjaru : ùn sarani soli i Cullittivi à pudè luttà contru à a maffia in Corsica. Ci vurrà supr’à tuttu à libarà a parolla è à mova una vera mubilisazioni pupulara.
Com’è parichji intarvinenti prisenti in a sala, u Cullittivu porta un sgardu crititicu à nantu à l’azzioni - o l’inazzioni - llu mondu puliticu, è masimu à nantu à quidda llu statu.
Stemu à senta à Vincent Carlotti, u cofundatori llu Cullittivu.
I dibattiti si sò avviati à nantu à a timatica lli marcati publichi, è à nantu à quidda di certi cuntatti troppu faciuli trà mondu puliticu è mezi affaristi o maffiosi.
Ci sarani i prissioni à nantu à l’eletti prisenti in i cumissioni d’attribuzioni lli marcati publichi ? Anne-Laure Santucci, eletta tarrituriali, hà dittu chì dipoi ch’idd’era stata eletta issa maiurità tarrituriali in u 2015, nisciunu elettu in cumissioni ùn avia patutu issi prissioni.
Marie-France Giovannangeli, inveci, pensa chì sè certi prissioni ùn si dicini, pesani quantunca in suttu, masimu sè una parsona pricisa hè à u cumandu, o vicinu à u cumandu d’una impresa.
Dunqua, s’iddi ci sò i cuntatti facilitati trà eletti è parsunalità di pessima nomina, è ancu s’idda dura da quand’hè, hè ora di fà la finita, dici Marie-France Giovannangeli, chì no’ stemu à senta.
Sur le même sujet
