Le CFA de Haute-Corse a organisé un job dating pour ses apprentis
Marcuri dopu meziornu, l’amparini di u CFA di u Cismonti ani pussutu scuntrà circa vinti impiicatori, prisenti da prupona li calchì pussibilità di travaddu.
In certi mistiera, com’è quiddi di bucca o di i BTP, i impresi t’ani u parchì à truvà a man’d’opara. A ripresa ecunomica si pittughjighja dunqua à un mancu d’amparini pà issi sittori, è l’affari impinsirisci à veru.
Steti à senta i spiicazioni di Xavier Luciani, u dirittori di u CFA llu Cismonti.
In i mistiera di bucca, i candidati à i travaddi pruposti sò pochi. A panittaria è pastizzaria Ghisoni-Mariotti, chì circa amparini in panittaria è vendita, t’hà à veru i difficultà à truvà ni.
L’urarii pocu quenti poni ancu caccià a vodda à i ghjovani chì circani à custruì u so avvena prufiziunali. À tal’puntu chì certi volti, a man’d’opara ci voli à circà la in cuntinenti.
Steti à senta à Elsa Caratini-Ramelli, rispunsevuli lli venditi di a casa Ghisoni-Mariotti.
Ma una spirenza ferma quantunca pà i impiicatori, chì l’amparini purtati da a vodda di truvà subitu un travaddu c’erani. Juline, 18 anni, vurria truvà un travaddu in a vendita, è ancu in panittaria è pastizzaria, s’idda fussi pussibuli.
Juline, chì li piaci à veru issu mistieri, spieca ch’idda supporta mali d’ùn avè travaddu par avali.
Steti la à senta.
Sur le même sujet
