Le Certificat d’aptitude à travailler en espaces confinés lancé en Corse
(A redazzioni d'Alta Frequenza) - L'AFPA è Kyrnolia creani una furmazioni unica in Corsica : u CATEC, u Certificatu di capacità à travaghjà in spazii cunfinati. Fruttu di un partenariatu natu dighjà calchì annu fà trà i dui strutturi, ssa furmazioni securità ubligatoria cuncerna l'impiegati chì intarvenini ind'i reti d'acqua o ind'i posti di rifiuti di l'acqua frazata. Fin'è oghji, a nostra isula ùn avia nisun situ labellizatu da l'Istitutu Naziunali di Ricerca è di Securità. A prima di ssi furmazioni hè stata urganizata ssu marti è ssu marcuri nant'à u situ di l'AFPA di Corti, à partasi di una piattaforma tennica unica criata dunqua di manera specifica pà ssa furmazioni, cù un sustegnu finanziariu di a CTC, di u Statu è di l'OPCALIA Corsica. Una furmazioni chì prisenta una valori veru in più pà l'intrapresi corsi, i cullittività è i stabilimenti publichi chì intarvenini in u duminiu di l'acqua è di l'assanimentu. Si tratta dinò di un bè pà Kyrnolia, pà quali ssa furmazioni tocca direttamenti guasgi 80 salariati inde l'isula, chì ùn avarani più bisognu à parta in cuntinenti pà riceva u so certificatu.
Steti à senta à Pierre Fiori, direttori di i risorzi umani ind'è Kyrnolia.
Sur le même sujet
