Le centre culturel de Biguglia inauguré
(A redazzioni d'Alta Frequenza) - Sabbatu, parsunalità numarosi erani prisenti pà l'inaugurazioni di u centru culturali Carlu Rocchi di Biguglia, una struttura chì hè custata 8,6 millioni d'auri, finanziati in parti da u PEI è una suvvenzioni di a Cullittività Tarrituriali di Corsica, u restu essendu presu in carica da a cumuna di Biguglia. S'è no ci ritruvemi una mediateca è sali numarosi pà attelli artistichi, l'arnesi maestru hè a sala di spittaculi muderna à più pudè, chì cù i so 500 piazzi, o ancu 600 cù i piazzi chì poni essa aghjustati ind'a fossa, hà da divintà un locu culturali di prima trinca ind'u rughjonu bastiacciu da quì à calchì mesi. Tuttu què cù una prugrammazioni chì, fin'è maghju, hà da accoglia u cantu ma dinò u teatru, cù artisti corsi di rinonima, ma dinò nomi ricunnisciuti in Francia sana.
Steti à senta à Sauveur Gandolfi Scheit, u merri di Biguglia.
Sur le même sujet
