Le budget de la CTC pour 2013 adopté
(A redazzioni d'Alta Frequenza) - U bughjettu di a Cullettività Tarrituriali di Corsica pà l'annu 2013 hè statu aduttatu arimani (vennari) dopu à cinqui ori di dibattiti. Un bughjettu di 630 millioni d'auri di ricetti, è 790 millioni d'auri di spesi, aduttatu finalmenti cù 24 voci à prò (quilli di a maghjurità di manca), 19 contru, 6 micca prununziati, 1 participazioni micca fatta è 1 assenti. I naziunalisti di Femu a Corsica ani vutatu contru, com'è Paulu Filici Benedetti pà u Rinnovu Naziunali, mentri chì Corsica Libera ùn s'hè micca prununziatu. Da nutà à diritta, a nova impussibilità di riescia à vutà di manera cumuna. Hè cusì chì Ange Santini ùn hà micca vulsutu participà à u votu, mentri chì nant'à 11 membri chì fermani di u gruppu Rassembler pour la Corse, 8 sò andati à l'incontru di u ducumentu.
