Photo : Facebook Laurent Lokoli
(A redazzioni d'Alta Frequenza) - Laurent Lokoli hà da ghjucà contr'à Andreas Haider-Maurer stanotti in Melbourne pà u prima ghjiru di a fasa finali di l'Open d'Australia, ghjostra chì conta pà u Grand Chelem di tennis. Dopu avè vintu pà i so trè ghjiri ind'u quadru di i qualificazioni, u tennisman di a Costa Verde t'avarà u so chì fà contr'à un avversariu à u 79imu postu di a classifica ATP. L'austriacu sarà favuritu di sicuru ma Laurent Lokoli t'hà argumenti à fà valè. U scontru si passarà stanotti è duvaria principià versu un'ora di mani, à l'ora di Parighji.
Sur le même sujet
