Label Pavillon Bleu : les lauréats 2020 en Corse
U marcu « Pavillon Bleu » faci i so 35 anni quist’annu.
Issu marcu insigna una qualità ambiintali di prima trinca pà i marini, porti, è acqui di bagnu. Ma hè dinò chivi da primià azzioni di sinsibilisazioni à u sviluppu di longu andà.
U turismu, si sà, pesa à nantu à l’ambienti, chì hè rispunsevuli di 8 % di l’emissioni di gasu CO2.
Mentri ch’idda si poni a quistioni di u mondu à vena dopu, u « Pavillon Bleu » metti a risposta in lu quadru d’un sviluppu turisticu duratoghju, rispittosu di a vita è sulidariu.
À senta a prifittura lla Corsica, trè marini è quattru porti sò primiati pà u 2020.
I marini primiati sò u « Trottel » è a « Terre Sacrée » in Aiacciu, è a marina di u Ruppionu in Pitrusedda.
In quantu à i porti, Bonifaziu, Aiacciu « Tino Rossi », Sulinzara è San’Fiurenzu sò primiati.
A marina « Trottel », in Aiacciu, si mireta d’essa signalata parvia d’una ghjunta facilitata pà i parsoni à mubilità ridutta o in situazioni d’infirmità, via u dispusitivu « Audioplage » : l’affari permetti à issi parsoni di dispiazzà si di manera autonuma, via un ariloghju elettronicu chì hè in cunnizzioni cù signali prisenti à nantu à a marina è i lochi di bagnu.
Sur le même sujet
