La ville de Bastia et le fonds d'insertion des personnes handicapées dans la fonction publique renouvellent leur convention
Dipoi u 2017, a cità di Bastia hè liata via una cunvinzioni à u fundu d’inserzioni in a funzioni publica lli parsoni tocchi da una infirmità. Cusì, si circa à aiutà à l’intigrazioni d’issi parsunala in mirria.
Prima cullittività di Corsica à avè signatu una cunvinzioni cumpagna, a mirria di Bastia impieca 11,78 % di parsoni chì binifiziighjani di l’ublicazioni d’impiecu. U minimu ublicatoriu hè di 6 %.
Issa cunvinzioni hè stata rinuvata a sittimana scursa, cù parichji ughjittivi :
fà crescia dinò u ricrutamentu d’issi parsoni, fà ch’iddu sichi ottimu u so mantinimentu in u impiecu, è fà ancu campagni di furmazioni è sinsibilisazioni.
U fundu d’inserzioni lla Cascia lli Dipositi è Cunsignazioni hà da dà 160 000€ sparti in trè anni, chì s’ani da accodda à u bughjettu di guasgi un milionu lla municipalità bastiaccia.
Steti à senta à Laura Orsini-Sauli, l’aghjunta à u merri di Bastia in carica lli quistioni di saluta.
I infirmità tocchi da issa pulitica sò diversi, ch’idda sichi in a so natura o in a so evuluzioni. Infirmità fisichi o psichichi, affizzioni à longu andà sò di quissi, è i situazioni à gistì sò sfarenti à ugni volta.
Ancu puri ch’iddi ci sichini stati i prugressi, ci hè sempri u travaddu à fà pà issu particulari, in a funzioni publica.
Steti à senta à Marc Desjardins, u prisidenti llu Fundu d’Inserzioni.
Sur le même sujet
