La Ville d'Ajaccio et la CAPA lancent le grand chantier de rénovation et de modernisation de l’éclairage public de la cité Impériale
Photo Ville d'Ajaccio
Marcuri, Stéphane Sbraggia, merri d’Aiacciu è prisidenti lla CAPA, è Caroline Corticchiato, l’aghjunta diligata à a transizioni eculogica, ani avviatu i gran’travadda di rinuvera è di mudirnisazioni di u lumu publicu lla cità impiriali.
In u 2017, a cità d’Aiacciu s’era ingagiata in issa dimarchja, in associu cù l’ADEME, l’Agenza di l’Urbanismu è a CdC, in u quadru llu so schema dirittori tarrituriali.
In u 2019 è u 2020, via un auditu energeticu, si hè vistu chì 90 % di i lumi erani vechji, arrughjiniti o inchjaccati.
Cù issu studiu, si hè ancu pussutu veda chì 95 % d’issi lumi sò cuncirnati da una logica d’uttimisazioni energetica.
Issi travadda avviati marcuri, chì u so bughjettu hè di deci miliona, s’ani da fà in dui mumenta (da sittembri di u 2022 à dicembri di u 2023 ; po’ da u 2024 à u 2026), è duvariani permetta di trattà circa 4500 luma.
L’ughjittivu n’hè, ben’intesa, di riducia è bè a cunsumazioni energetica. Cù a calata di a cunsumazioni, si pudariani risparrà circa 400 000 auri à l’annu.
Steti à senta à Stéphane Sbraggia.
L’Agenza di l’Urbanismu, idda, si rallegra di l’inizià d’issi travadda è di a presa di cuscenza di i cullittività pà issa sfida energetica.
Steti à senta à Julien Paolini.
Sur le même sujet
