La vigilance orange vent prolongée jusqu'à midi en Corse-du-Sud
(A redazzioni d'Alta Frequenza) - L’alerta aranciu pà u ventu hè prulungata fin’è meziornu ssu vennari in Corsica Suttana. Ssa chjama à a vigilenza cuncerna soprattuttu u liturali urientali è i rilievi muntagnoli di u dipartimentu. I buffulati sò trà 100 è 120 chilometri par ora in muntagna, 150 chilometri par ora in A Chjappa dopu essa cullatu ancu à 185 chilometri par ora stanotti. Duranti l’ori chì venini, ssu ventu di nordu à nordu livanti hà da firmà viulenti. Annant’à a costa, à u meziornu di A Sulinzara fin’è à capu Pirtusatu, i buffulati aspittati sò trà 100 è 120 chilometri par ora, fin’è 160 chilometri par ora annant’à i capi sposti, soprattuttu versu Purtivechju. In muntagna dinò, annant’à i cresti è i penditi à meziornu, i buffulati sarani viulenti da 100 à 110 chilometri par ora, certi volti fin’è 130 chilometri par ora. Arimani dighjà, i venti forti chì ani toccu l’isula ani inghjinnatu disguasti. Tagliaturi d’elettricità, arburi tagliati, avviò è battelli sviati, circulazioni piantata o in alternenza par via di falati di petri o d’arburi cascati annant’à a strada.
