La Secrétaire d’Etat chargée de la Ville était en Corse samedi
(A redazzioni d'Alta Frequenza) - A Secretaria di Statu in carica di a Cità Hélène Geoffroy era in Aiacciu sabbatu. Hè ghjunta pà chjoda un ciculu di scontri cù l'attori di a pulitica di a cità in Francia sana. Si trattava di scambià par asempiu cù i cunsighji citadini di quartieri ditti "difficiuli" nant'à i dumandi cuncirnendu l'educazioni, l'impiegu, u quadru di vita è a participazioni citadina. Membri di i cunsighji citadini di i Jardins de l'Empereur in Aiacciu o di Pifanu in Purtivechju frà altru ani pussutu cuntrastà cù a Secretaria di Statu nant'à l'azzioni à purtà ind'i so quartieri chì soffrini di una maghjina gattiva. Scontri regiunali pà appruntà l'evenimentu naziunali di a simana, u primu foru di i cunsighji citadini, ssu ghjovi in Parighji.
Steti à senta à Hélène Geoffroy, Secretaria di Statu in carica di a Cità.
