La proposition de loi visant à sacraliser la date du 5 mai en hommage au drame de Furiani examiné mi-octobre au Sénat
Dopu ch’idda sichi stata validata, di frivaghju 2020 à l’assemblea francesa (à l’unanimità menu un votu), a pruposta di legi par sacralizà u 5 di maghju in umaghju à u drama di Furiani sarà asaminata u 14 d’uttrovi à u senatu.
St’asaminu si farà gramazia à u gruppu Solidarité et Territoires, chì u senatori Paulu Santu Parigi ni faci parti.
Cusì si era fattu dinò à l’assemblea francesa, via u gruppu Libertés et Territoires.
Ancu puri chì certi senatori – masimu ind’è u gruppu LR – ùn sichini cusì sicuri di a nicissità di vutà sta legi, Josepha Guidicelli, a prisidenti llu Cullittivu lli vittimi, ùn perdi cunfidenza.
Steti la à senta.
U rapurtadori d’issa pruposta di legi, sarà u senatori llu Ronu, Thomas Dossus.
Passiunatu di ballonu, si n’inveni bè d’issa sirata tragica. Hà suvitatu subitu l’iniziativa llu so cullega di gruppu. Par iddu, sacralizendu issa data, ùn si porta solu rispettu à i famiddi, si metti in risaltu a diminsioni naziunali d’issu drama.
Steti à senta à Thomas Dossus.
