La première Nuit de l’Orientation : présentation du "nouveau lycée"
(A redazzioni d’Alta Frequenza) - A prima Notti di l’Urientazioni s’hè tinuta com’è privista vennari scorsu à u Palazzu di i Cungressi d’Aiacciu, da 5 ori à 9 ori. À l’iniziativa di a Camara di Cumerciu è d’Industria di Corsica Suttana, è in cullaburazioni cù numarosi partenarii, issa manifestazioni t’avia pà scopu d’aduniscia ind’un stessu locu tutti l’attori di u mondu di l’urientazioni educativa è prufessiunali. U scopu ricircatu era ben intesa di favuriscia l’avvicinamentu trà i ghjovani è l’intrapresa à traversu tutti i prublematichi, è sò numarosi, di l’urientazioni sculari, universitaria è prufessiunali. U centru d’infurmazioni è d’urientazioni, u famosu CIO bè cunnisciutu da i liceani, è l’ONISEP, l’uffiziu naziunali d’infurmazioni nant’à l’insignamenti è i mistieri, erani ben intesa prisenti pà issa manifestazioni. U pruvisori di u Liceu Letizia d’Aiacciu hè ghjuntu à prisintà u cuncettu di « liceu novu », una riforma missa in ballu in u 2011 chì gistiscia oramai tutta a pulitica di furmazioni hè d’urientazioni di l’elevi.
Écoutez Jean-Pierre Casanova, proviseur du lycée Laetitia d'Ajaccio.
