Le Direct

La pouponnière de Bastia bientôt dotée de nouveaux locaux

A ciucciaghja d’accolta di Bastia – a sola in Corsica par avali – si hà da lacà da quì à calchì mesi a citadella par buscà si lucala novi, più maiori è più pratichi.

A capacità d’accolta ùn cambiarà : a struttura pudarà riceva quatordici ziteddi, d’età cinqui ghjorna à trè anni. Ma i sali è i camari sarani adatti di più, è si pudarani riceva supr’à locu i parenti cuncirnati da u piazzamentu d’unu di i so ziteddi.

L’accumpagnamentu sarà midduratu, da ch’iddi poschini ripiddà, issi parsoni, a via lla so parintalità.

A struttura nova sarà à torru à u centru Bella Vista, privistu pà i ziteddi da trè à 18 anni.

Issu prughjettu di circa 1,2 miliona hè finanzatu intigralmenti da a Cullittività di Corsica. In sei anni, tredici miliona sarani cunsacrati à a zitiddina.

Steti à senta à Bianca Fazi, a cunsigliera esecutiva in carica d’issu cartulari.

L’UMCS, chì gistisci i dui strutturi, si rallegra à veru di pudè li avvicinà è prupona lucali adatti à a presa in carica di i zitidduchji.

In quant’à u centru Bella Vista, hà da cuntinuvà a riceva parichji ziteddi ch’ùn ani a maiurità, certi di quissi issendu soli in tuttu.

Steti à senta à Alain Olmeta, u rispunsevuli lla prutizzioni lla zitiddina à l’UMCS