La Méridionale réaffirme qu'elle n'embarquera pas de fret sur la ligne L'Île-Rousse-Toulon
Mentri chì u cunflittu suciali pà a ligna à vena di a Méridionale trà Lisula è Tulò s’appacia un pocu, a cumpagnia CMA CGM hà fattu un cumunicatu, marcuri sera.
« Dopu fatti l’analisi ghjuridichi, cunsidarighja a Méridionale chì l’apartura di a ligna trà Tulò è Lisula hè in piena cunfurmità cù u quadru cuntrattuali di a Diligazioni llu Sirviziu Publicu.
Eppuri i sintimu, i quistioni è i pauri nati da u cuntestu attuali d’inchiesti di a Cumissioni Aurupeana, par ciò chì tocca à u sughjettu spicificu di u trasportu di marcansii.
Ed hè par quissa chì no’ avemu annunciatu vennari chì u traghjettu trà Tulò è Lisula chì hà da apra u sei d’aprili ùn piddarà chè i passaghjeri. Ùn sarà dunqua in vendita u trasportu di marcansii à nantu à issa ligna ».
A cumpagnia « ni chjama ugni parti à ripiddà un dialugu appaciatu è custruttivu da truvà fini à issu cunflittu ».
Sur le même sujet
