La Méridionale n'embarquera pas de fret sur la ligne Île-Rousse - Toulon
I sindicata di i marinari – quiddi di a Corsica Linea è quiddi di « La Méridionale » - si sò impinsiriti bè - è senza pichju ancu - par ciò chì tocca à u traghjettu trà Lisula è Tulò ch’idda hà apartu d’aprili « La Méridionale ».
Marcuri in fin’di ghjurnata, a cumpagnia hà pricisatu a so pusizioni, spiichendu ch’ùn ni saria trasfiritu trasportu di marcansia à nantu à issu traghjettu.
Issa pusizioni hè in cunfurmità cù l’attesi di i sindicata, chì timiani una dirigulazioni chì saria stata dannifica pà u sirviziu publicu marittimu, cù una cuncurrenza nova avviata da unu di l’uparatori di u sirviziu publicu.
« La Méridionale », cù issu traghjettu, piddarà unicamenti in contu u trasportu lli passaghjeri.
Sur le même sujet
