La Ligue Contre le Cancer de Corse-du-Sud aux côtés de l'Hopital de Castelluccio durant le confinement
In tempu llu cunfinamentu, a Liga contru à u Cancaru di u Pumonti si hè mubilizata da facilità u cutidianu di i malati uspitalizati in Castillucciu.
Hà rigalatu à u sirviziu uncolugia deci Ipad, da ch’iddi poschini cumunicà incù a so famidda i malati, mentri ch’idd’erani pruibiti i visiti.
À senta ni u duttori Carole Zimmerman, chì gistisici l'unità d’uspitalisazioni, st’acquistu hè statu impurtanti à veru, da mantena una leia è permetta una bedda cuntinuvità di i trattamenta.
In issi tempa di pandemia, c’era ancu u pinseri di veda certi parsoni lacà curra i so trattamenta, cù a paura lla cuntaminazioni : anc’assa’, affari cumpagnu ùn n’hè successu.
U duttori Zimmermann ci parla d’issi mumenti beddi particulari.
U custatu hè u stessu pà u dirittori llu spidali di u Castillucciu.
Cù iss’acquistu impurtanti, ci hè statu manera pà l’aienti uspitalizati d’ùn senta si troppu soli.
U spidali di u Castillucciu si hè ancu riurganizatu da pudè accodda l’aienti tocchi da u COVID, à torru à i soliti spicialità d’uncolugia è psichiatria
Steti à senta à Yannick Miragliotta, u dirittori di u spidali.
Sauveur Merlenghi, u prisidenti llu cumitatu llu Pumonti, dici ch’iddu era un duveri, pà a Liga, di metta issi tavuleddi à dispusizioni di i malati.
Da dà sensu à iss’azzioni, u prisidenti Merlenghi allarga a so riflissioni par ciò chì tocca à a midicatura è à presa in carica.
Steti lu à senta.
Sur le même sujet
