La Haute-Corse en vigilance orange intempéries
(A redazzioni d'Alta Frequenza) - Météo France hà dichjaratu chì a Corsica Suprana sarà in vigilenza aranciu pà a sirata (marti) è stanotti. In fatti, d'appressu à u bigliettinu d'alerta di i previsiunisti, a parti urientali di a Corsica Suprana duvaria essa tocca da i stessi fenomeni chì ani tocca a parti urientali di a Corsica Suttana, Purtivechju soprattuttu a notti scorsa è oghji. Fin'è dumani matina à 10 ori, fini di l'alerta, 40 à 80 millimetri pà l'acquati sò aspittati, o ancu fin'è 120 millimetri particularmenti nant'à a costa postu chì iss'acquati sarani assai forti à certi mumenti. Saetti è buffulati di ventu viulenti sò dinò aspittati duranti issu periudu. A prudenza hè dunqua particularmenti racumandata.
