Le Direct

La friche de l'ancien collège de Montesoro bientôt reconvertie en parc résidentiel

Oramai à ribaldonu, u situ di l’anzianu culleghju di Montesoru pudaria ritruvà vita da quì à pocu : u cunsigliu municipali hà ratificatu una chjama à prughjetti, da chì calchì aggruppamentu privatu piddi pussessu d’issa tralascita, par custruì ci un novu parcu risidinziali. Sparti in dui lotta, eccu l’ughjittivi privisti : 254 alloghja, 3 000m² di lucala terziarii è 490m² di cumercia. A cità di Bastia vurria ancu ch’idda si stalli chivi a Casa di a Ghjuvantù.

L’aggruppamenti privati t’ani un mesi par custituì si, è t’avarani dopu sei mesa par prupona un prughjettu in currispundenza cù i dumandi di a municipalità bastiaccia.

Da culandi à a variatezza archititturali è à a tipulugia di l’appartamenti, l’ughjittivu hè di rinfurzà u mischiu suciali è u campà insemi in u quartieri.

Steti à senta à Pierre Savelli, u merri di Bastia.

L’uppusizioni hè tantu contru à issu prughjettu. Ma quantunca, Julien Morganti si hè dittu impinsiritu chì l’aggruppamenti privati ùn ani da avè tantu tempu par custituì si.

U capifila di « Un Futur Pour Bastia » temi ch’iddi sichini aghjà in u saccu l’imbuschi, par ciò chì tocca à a scelta di l’aggruppamentu.

Ma ci hè ancu u pinseri di u staziunamentu è di a circulazioni in u quartieri, à tempu finitu issu parcu risidinziali, vali à dì versu a fini llu 2026.

Steti à senta à Julien Morganti.