La flamme olympique traversera la Corse le 14 mai 2024
U 14 di maghju llu 2024, a fiara ulimpica di i ghjoca di parigi hà da passà in Corsica.
Ghjunta in a Parata, hà da avvinghja a cità franchendu u cursu Napulionu, i stabilimenta sculari è u quartieri di i Canni. In meza ghjurnata, si hè da avvià in Coti, po’ in Bastia in fin’di ghjurnata.
Bastia d’altrondi sarà a cità ufficiali di a fiara in Corsica, ind’idda sarà missa a vasca ulimpica.
A fiara hà da passà pà l’Arinella, u Spassimare, l’Aldilonda, a Citadella, u carrughju Napulionu, po’ ghjunghjarà à nantu à a Piazza San’Niculau.
Hè da nutà ch’iddu ci sarà un passaghju davanti à u stadiu Armand Cesari, da renda umaghju à i vittimi di Furiani.
Un pocu di a fiara sarà trasmissu à altri tarritoria : Bavedda, Portivechju, Lisula, è l’Orezza.
Sarani centu à tacchià si da purtà a fiara, in u so viaghju principali o in i tarritoria.
Da essa ni, si pò metta candidatura à nantu à u situ ufficiali di l’urganisazioni, sinu à u trenta di ghjunghju.
Parichji attività ani da essa pruposti mentri u passaghju lla fiara.
U finanzamentu di i 180 000€ nicissarii à l’urganisazioni d’iss’evenimentu ùn li duvariani pagà nè a CdC, nè mancu i cumuni, ma un altru intarvinenti.
Steti à senta à Lauda Guidicelli, a cunsigliera esecutiva in carica di a ghjuvantù è di u sport.
Sur le même sujet
