La fête du sport aura lieu ce week-end à Bastia
(A redazzioni d'Alta Frequenza) - Com'è ogni annu à a listessa epica, a piazza San Niculà si vistarà pà fà u sport, pà un'edizioni nova di a festa di u sport in Bastia. Di fattu, a cumunità d'agglumerazioni di Bastia hà da aduniscia più di sittanta clubs è associ di sports à parechji, ch'ellu si trattessi di ballò, di rugby o di ballu à mezu à i disciplini i più cunnisciuti, o altri menu cunnisciuti com'è pankration, baseball o ancu roller derby. Malgradu un bughjettu chì cala di un'annata annant'à l'altra, postu chì l'urganisazioni costa 75 000 auri à a CAB, iniziativi novi sò stati missi in ballu pà ss'edizioni nova chì t'hà com'è cumparu l'anzianu ghjucadori di u SC Bastia, Ismaël Triki. Fora di dimustrazioni numarosi, ci sarà un trail urbanu u sabbatu dopu meziornu, parmittendu à tutti i spurtivi, cunfirmati o micca, di participà di una manera degna à ssa festa. L'uccasioni dinò di vultà annant'à a prublematica di l'arnesi spurtivi.
Steti à senta à François Tatti, u presidenti di a CAB.
