La démarche de labellisation Cité éducative lancée à Ajaccio
Photo : Cità d'Aiacciu
L’attori di a cumunità aducativa si sò accolti luni à torru à Rose-Marie Ottavy, l’aghjunta à l’affari sculari, è à Charly Voglimacci, u cunsiglieri cumunitariu diligatu à a pulitica di a cità d’Aiacciu, da metta in anda ufficialmenti a dimarchja di a labillisazioni « Cità Aducativa », pà u periudu 2024-2026.
Iniziata in u 2021 à nantu à u tarritoriu è intigrata da quì à pocu à u cuntrattu di cità, a Cità Aducativa, chì faci parti di u Prughjettu Aducativu Lucali chì s’avvia, hè « un ingagiamentu cullittivu pà i nosci ghjovani », hà dittu Rose-Marie Ottavy.
Issu marcu d’eccelenza imponi à i forzi vivi lucali d’urganizà si cullittivamenti in ghjiru à un prughjettu aducativu didicatu à i ghjovani da 0 à 25 anni, isciuti da i quartieri priuritarii.
U tarritoriu hè quiddu chì và da San’Ghjuvanni à u Buddiccionu, piddendu si u quartieri novu Nord Rocade, i Canni è i Salini.
In Aiacciu, sò circa 4 500 elevi scularizati in i Reti d’Aducazioni Priuritarii ch’idda tocca issa dimarchja, è c’entrini trè culleghja, 16 scoli, sei ciucciaghji è un puntu di prima zitiddina.
Sur le même sujet
