La Corsica Ferries a inauguré son nouveau bateau, le Pascal Lota
Photo Corsica Ferries
(A redazzioni d'Alta Frequenza) - Ssu ghjovi avarà vistu un umaghju resu à u fundatori di a Corsica Ferries, Pascal Lota, sparitu in u 2015. Dopu à l'inaugurazioni di u viali Pascal Lota, chì passa davanti i casali di a Corsica Ferries in Bastia, è d'una scultura di Gabriel Diana, hè u battellu maestru di a Corsica Ferries chì porta ssu nomu chì hè statu inauguratu d'una manera tremenda. Custruitu in u 2008, u Pascal Lota campa a so siconda vita dopu essa statu sfruttatu da una cumpagnia estuniana. Cù 2 200 passaghjeri, 700 vitturi è 120 camiò in capacità, ssu battellu hè u bastimentu novu di una Corsica Ferries chì pruponi nantu una mansa di sirvizi, frà altru à u nivellu di a risturazioni. Ssu battellu, soprattuttu didicatu à a ligna trà Bastia è Nizza, hè l'illustrazioni di l'ambizioni di a cumpagnia, è què ancu dopu à calchì muvimentu inghjiru à l'azziunariatu in ssu principiu d'annata.
Steti à senta à Pierre Mattei pà a Corsica Ferries.
