La Corse se pare d'un manteau blanc...
(A redazzioni d'Alta Frequenza) - Una Corsica sottu a nevi ! Hè ciò ch'è vo pudeti veda dipoi stamani, cù nivati chì ani toccu ss'ultimi ori frà altru u liturali, com'è in Aiacciu è in Purtivechju in Corsica Suttana. Arimani dighjà, l'internu di l'isula è una parti impurtanti di a Corsica Suprana erani cuncirnati. Trà 5 è 10 centimetri pà certi lochi, o ancu di più, una campa pà l'ochji di i chjuchi è di i maiò. Pà ciò chì tocca a strada, bisognu à firmà assai prudenti par via di u cotru, mentri chì l'arnesi spiciali sò racumandati, par asempiu pà francà a foci di Vizzavona.
