La Corse repasse en vigilance orange pour orages et pluies jusqu'à la fin de matinée ce vendredi
Dipoi 4 ori llu dopu meziornu, a Corsica hè stata rimissa in vighjulanza arancina parvia di u risicu di timpurali.
À senta ni à Meteo france, i scurruttoni ghjunti da u mari ani da tuccà u Punenti di notti, trà ghjovi è vennari. L’attività elettrica sarà alta, duvariani falà da 40 à 60 mm d’acqua in un’ora. Ci pudaria essa a grandina, è u ventu pudaria buffulà à 80 o 100 chm à l’ora, certi volti ancu à trombi. Versu u litturali, ci pudariani ancu essa i trombi marini.
Ghjunti à vennari matina, pudariani essa falati da 40 à 70mm d’acqua in una bedda parti di u Punenti, è ancu certi volti da 80 à 100 mm.
U Liventi hè menu toccu da issa passata. L’ultimi scurruttoni si duvariani lascià l’isula vennari, in meza ghjurnata.
