La Corse n’en peut plus: défigurée, vendue au plus offrant : l'action d' U Cumitatu Naziunalistu di A Gravona ce samedi
Sta mani, u Cumitatu Naziunalista di a Gravona hà purtatu un’azzioni da luttà contru à un prughjettu spiculativu, à nantu à a cumuna di Sarrula è Carcupinu.
Si tratta chivi di u prughjettu di custruzzioni di 21 lucala cumirciali à nantu à a zona agricula di Sarrula. À senta ni u muvimentu, saria quissu un colpu fatali purtatu à i tarri agriculi, à nantu à una cumuna chì PLU ùn n’hà.
Issu sabbatu dunqua, eletti è militanti erani prisenti supr’à locu : « dipoi sempri, ci uppunimu à issa logica murtifara chì sacrifichighja i loca pasturicci è à tempu, ugni pussibilità di sviluppu duratoghju arrimbatu à iss’attività ecunomica chì ghjova à a Corsica, à nantu à l’altari di l’intaressi à curtu andà, sustinuti da favuritismi è reguli stranieri.
« A Corsica ùn ni pò più : smurfiata, vinduta à incetta cù u so populu spatrunatu in tarra soia, carriata da i venti scemi di a spiculazioni. È in issu mentri, i suluzioni chì no’difindimu è validati aghjà da i corsi, nimu i stà à senta ».
Sur le même sujet
